Glæsilegt súrdeigsbrauðanámskeið | Nigel Saunders sýndi nýtt og afar spennandi lífrænt súrdeig

Fimmtudaginn 30. maí 2013 var haldið á vegum Innbak og Lesaffre í Hótel og matvælaskólanum afar glæsilegt súrdeigsbrauðanámskeið. Mættir voru til leiks 11 bakaranemar, sveinar og meistarar.

Enski bakarinn Nigel Saunders kom á vegum franska ger framleiðandans Lesaffre og bakaði fjórar mismunandi tegundir af súrdeigsbrautum.

Kynnt var fyrir bökurum nýtt og afar spennandi efni sem er 100% lífrænt súrdeig. Er hægt að baka brauð algjörlega án viðbætts gers. Súrdeigið kemur fljótandi í 5 lítra brúsum og ábyrgist framleiðandinn lyftikraft í að minnsta kosti 9 vikur frá framleiðsludegi. Súrdegið heitir Crème de Levain® og er skrásett vörumerki Lesaffre. Er þetta fyrsta virka súrdegið sinnar tegundar í heiminum.

Við bakstur úr Créme de Levain fást margir góðir kostir td.: - Skorpan verður stökk, fallega brún og gefur gott bragð. - Holurnar í brauðinu verða stórar og óreglulegar en mjög mjúkar en skorpan hörð. - Eftir bakstur ilmar brauðið að léttum súrdeigskeim og hefur mjög langan geymslutíma.

Dagskrá námskeiðisins var: - Súrdeigsbrauð – Boule au Levain - Ciabatta úr Crém de Levain - Focaccia úr Crém de Levain - Fiche Flute úr Crém de Levain

Með því að nota Crème de Levain® er hægt að baka hefðbundin frönsk brauð eftir ‘Décret Pain’ reglunum.