Hvar get ég lært að verða konditor?

Upplýsingar um konditornám:

Konditornám er að hluta til hægt að læra á Íslandi. Nokkur konditori hérlendis eru með nema á samningi og taka nemarnir verklega hlutann hér, en fara til útlanda í skóla. Ekki er möguleiki á að taka allt námið hérlendis. Alltaf verður að fara í skóla og taka sveinspróf erlendis. Flestir nemarnir fara til Ringsted í Danmörku.

Danmörk:

ZBC í Ringsted er eini skólinn sem býður upp á konditornám í Danmörku. Þar starfa mjög færir kennarar. Þar á meðal Poul Erik og Carsten Kej sem einnig þjálfar danska kokkalandsliðið. Í náminu er lögð áhersla á nýjar aðferðir í bland við hefðbundin fræði.

Konditornámið tekur 3 ár og 7 mánuði. Námið er bæði bóklegt og verklegt. Nemandi þarf að vera með námssamning við viðurkennt bakarí og faglærðan konditormeistara. Náminu lýkur með sveinsprófi.

Ef nemandi er með sveinspróf í bakaraiðn eða matreiðslu styttist námið að einhverju marki. Hvert tilfelli er metið fyrir sig.

Nánari upplýsingar er að finna á vefslóðinni hér, eða á heimasíðu skólans hér.

Þýskaland:

Konditornámið í Þýskalandi tekur að jafnaði 3 ár fyrir þá sem læra það frá grunni. Hyggist hins vegar bakari bæta konditormenntun við sig, tekur hún eitt ár. Í Þýskalandi er eingöngu hægt að læra að verða konditor undir handleiðslu konditormeistara.

Fjöldinn allur af konditorskólum er í Þýskalandi, en hér að neðan er listi yfir þá helstu sem bjóða upp á meistarapróf:

Akademie der Konditoren-Innung Berlin

Weinheimer Str. 13

14199 Berlin

Tel.: 030 – 810 55 73 10

Fax: 030 – 810 55 7319

Email: [email protected]

www.berliner-konditoren.de

Städt. Meisterschule für das Konditorenhandwerk Fachschule der Landeshauptstadt

Simon Knoll Platz 3

81669 München

Tel.: 089 – 233 – 31700